Kategoritë
MacBook Air do të ridizajnohet, rikthehet karikuesi MagSafe
Së bashku me laptopin e ri pritet që Apple të sjellë edhe gjeneratën e re të procesorëve për të pasuar Apple M1 që debutoi me MacBook Air ekzistues në Nëntor.
Apple është duke punuar në një dizajn të ri MacBook Air i cili do të rikthejë karikimin MagSafe. Sipas një raporti të Bloomberg, MacBook Air i ri mund të debutojë drejt fundit të këtij viti ose në fillim të 2022 dhe është dizajnuar për të qenë më i hollë dhe i lehtë sesa modeli ekzistues.
MacBook Air i ri mund të jetë vogël falë eliminimit të kornizave të ekranit 13-inç ndërsa një risi për këtë laptop sipas raportit është përfshirja e dy portave USB 4.
Së bashku me laptopin e ri pritet që Apple të sjellë edhe gjeneratën e re të procesorëve për të pasuar Apple M1 që debutoi me MacBook Air ekzistues në Nëntor.
Sistemi i karikimit magnetik të Apple, MagSafe, gjithashtu do të rikthehet me ridizajnimin duke ruajtur të njëjtën formë si modeli i kaluar.
Bloomberg thotë se Apple kishte konsideruar edhe një version të madh 15-inç të MacBook Air por aktualisht këto plane janë lënë mënjëanë.
Lajmet e për ridizajnimin e MacBook Air vinë një javë pas raportit të analistit të mirënjohur të produkteve të Apple Ming Chi-Kuo i cili tha se edhe MacBook Pro do të ridizajnohet.
Copyright: © PCWorld Albania