3 muaj më parë

Apple paralajmëron përdoruesit të përditësojnë në iOS 18.4.1 sa më parë

Apple tha se ka informacion që dy problemet e sigurisë janë përdorur në sulme tejet të sofistikuara duke goditur individë specifikë në iOS.

Ditën e Mërkure Apple shtyu përditësimet më të fundit për platformat e saj: iOS 18.4.1, iPadOS 18.4.1, macOS 15.4.1, tvOS 18.4.1 dhe visionOS 2.4.1.

Ato përmbajnë dy përditësime për dy probleme kritike sigurie të cilat janë përdorur në sulme, prandaj është këshillueshme që të përditësoni pajisjet e tuaja sa më parë.

Apple tha se ka informacion që dy problemet e sigurisë janë përdorur në sulme tejet të sofistikuara duke goditur individë specifikë në iOS.

Një prej problemeve fshihet në CoreAudio. Ky problem i korruptimit të memories bënte të mundur ekzekutimin e kodit gjatë përpunimit të përmbajtjeve audio.

Problemi tjetër fshihet në Remote Participant Audio Control (RPAC). Apple këshillon përdoruesit që të përditësojnë pajisjet sa më parë.

Copyright: © PCWorld Albania