Monedhë
Kategoritë
S’ka produkte në shportë.
4 vjet më parë
Kreu i mashtrimit BitConnect në Amerikë shpallet fajtor
Skema e BitConnect besohet të jetë mashtrimi më i madh në kriptomonedha që po ndiqet penalisht.
Një burrë nga Los Angeles u shpall fajtor ditën e Mërkure për përfshirjen në një skemë Ponzi mbi 2 miliardë dollarëshe e cili mashtroi mijëra investitorë kriptomonedhash në mbarë botën.
Prokurorët thanë se 44 vjeçari Glenn Arcaro ishte kreu i skemës piramidale BitConnect në Amerikë. Arcaro tha se kishte fituar 24 milionë dollarë nga mashtrimi i BitConnect.
Tani ai duhet tu paguajë pas paratë investitorëve ndërsa rrezikon 20 vite burg kur dënimi i tij të shpallet më 15 Nëntor.
Skema e BitConnect besohet të jetë mashtrimi më i madh në kriptomonedha që po ndiqet penalisht. Shpallja fajtor e tij erdhi të njëjtën ditë që Komisioni Amerikan i Bursave dhe Letrave me Vlerë paditi BitConnect në gjykatë.
Sipas prokurorëve, Arcaro dhe bashkëpunëtorët e tij pretendonin se BitConnect përdorte teknologji e cila mund të gjeneronte fitime të mëdha duke përdorur paratë e investitorëve dhe përfituar nga luhatja e vlerës së kriptomonedhave.
Në të vërtetë BitConnect operonte si një skemë e vërtetë Ponzi, duke paguar investitorët e hershëm nga paratë e investitorëve të fundit.
Copyright: © PCWorld Albania
