Monedhë

Kategoritë

3 vjet më parë

Rritet kostoja e riparimit të ekraneve të iPhone 12

Kostoja e riparimeve të tjera jashtë garancisë shkon deri në 549 dollarë.

iPhone 12 i ri vjen me një teknologji që Apple e quan Mburoja Qeramike dhe sipas kompanisë katërfishon rezistencën e telefonit ndaj përplasjeve.

Por nëse ekrani plasaritet, atëherë përgatituni të paguani një shumë të majme. Kostoja e zëvendësimit të ekranit të modelit bazë iPhone 12 është aq sa e modelit 12 Pro, plot 279 dollarë.

Është e njëjta kosto që paguhet për të zëvendësuar ekranin e modelit të vitit të kaluar iPhone 11 Pro por është një rritje e ndjeshme nëse e krahasojmë me modelin bazë prej 199 dollarësh që ishte për iPhone 11.

Rritja e çmimit është padyshim për shkak të ekranit OLED i cili tani përfshihet në modelet bazë të iPhone 12 dhe që vitin e kaluar ofrohej vetëm për iPhone 11 Pro dhe 11 Pro Max. Kostoja e riparimeve të tjera jashtë garancisë shkon deri në 549 dollarë.

Apple ende nuk ka zbuluar çmimin e riparimit të ekranit për iPhone 12 Pro Max dhe iPhone 12 Mini të cilët janë të gatshëm për tu porositur nga data 6 Nëntor. iPhone 12 fillon nga 799 dollarë dhe iPhone 12 Pro nga 999 dollarë, iPhone 12 Pro Max nga 1,099 dollarë dhe iPhone 12 mini nga 699 dollarë.

Copyright: © PCWorld Albania

Dil i kënaqur me:

BEST DEALS

Apple iPhone 11

20,900 L20,990 L