Kategoritë
Telegram mbyll dy tregje të zeza masive në platformë
Të dy tregjet janë offline raportoi Elliptic ndërsa Huione ka konfirmuar se do të mbyllë operacionet e saj plotësisht pas dëbimit nga Telegram.
Ditën e Enjte Telegram tha se ka hequr dy tregje të zeza të mëdha të cilët kanë gjeneruar më shumë se 35 miliardë dollarë që prej 2021 duke ju shërbyer kriminelëve kibernetikë dhe mashtruesve.
Firma kërkimor e blockchain Elliptic tha për agjencinë e lajmeve Reuters se tregjet Kineze Xinbi Guarantee dhe Huione Guarantee së bashku ishin më fitimprurës sesa Silk Road, një treg i paligjshëm drogërash që FBI-ja e bllokoi në 2013-ën dhe asokohe vlerësohej me 3.4 miliardë dollarë.
Të dy tregjet janë offline raportoi Elliptic ndërsa Huione ka konfirmuar se do të mbyllë operacionet e saj plotësisht pas dëbimit nga Telegram.
Prishja e aktivitetit të dy tregjeve është një goditje e madhe për mashtruesit online tha Elliptic. Huione Guarantee është një filial i grupit Huione, për të cilin SHBA-ja thotë se ka në pronësi Huione Pay dhe Huione Crypto.
Lëvizja e Telegram vjen pasi Thesari Amerikan lançoi një plan për të dëbuar Huione Group nga sistemi financiar Amerikan për aktivitet kriminal dhe pastrim parash.
Sipas Reuters, Huione Group ka ndihmuar në pastrimin e fondeve të vjedhura kripto nga Koreja e Veriut.
Copyright: © PCWorld Albania
Dil i kënaqur me:
