Kategoritë
Aplikacioni i Epic Games shndërron fotot në modele 3D
Procesi funksionon më mirë në ndriçim jo të drejtpërdrejtë ku sipërfaqet reflektuese hasin probleme. Funksionon më mirë me objekte të mëdha.
Epic Games lançoi aplikacionin RealityScan për iOS ditën e sotme. Aplikacioni pa pagesë, më përpara i disponueshëm në fazën e mbyllur beta, bën të mundur skanimin e objekteve reale përreth dhe shndërrimin e tyre në modele 3D.
Aplikacioni është një fryt i blerjes së Capturing Reality nga Epic, një kompani e specializuar në softuerë fotogrametrie.
Njëlloj si softueri në desktop i kompanisë, RealityScan kombinon imazhet 2D për të prodhuar asete 3D për lojërat dhe ambientet e tjera virtuale.
Ideja është që zhvilluesit e lojërave dhe kreativët të kenë mundësi të skanojnë objekte reale dhe ti vendosin në projektet e tyre.
Procesi i skanimit fillon me identifikimin në llogarinë tuaj të Epic Games dhe kapjen e të paktën 20 fotove të objektit nga të gjitha anët. Ndërsa lëvizin përreth me telefonin tuaj, një hartë cilësie në kohë reale tregon sesa mirë e keni fotografuar objektin ku ngjyra jeshile tregon mbulim të mirë, e verdha mbulim që mund të përmirësohet dhe e kuqja mbulim të dobët.
Aplikacioni ngarkon dhe përshtat imazhet në cloud ndërsa ju bëni fotot. Një paraqitje paraprake të modelit mund ta shihni nga fushëpamja e kamerës.
Procesi funksionon më mirë në ndriçim jo të drejtpërdrejtë ku sipërfaqet reflektuese hasin probleme. Funksionon më mirë me objekte të mëdha.
Kur të keni përfunduar kapjen e modelit, mund ta eksportoni në Sketchfab ku ta përdorin për 3D, realitet virtual dhe të shtuar.
Copyright: © PCWorld Albania
