Kategoritë
Instagram ishte jashtë funksioni gjatë mesnatës
Meta konfirmoi problemet duke thënë se kishte qenë një gabim teknik që nuk kishte lejuar përdoruesit të qasen në Instagram.
Për disa orë mbrëmjen e së dielës Instagram kishte rënë. Kohështrirja e aplikacionit ishte e ngritur dhe përdoruesit e kishin të pamundur ta rifreskonin. Uebsajti gjithashtu jepte një faqe boshe.
Sipas DownDetector, raportimet e para filluan rreth mesnatës me orën tonë lokale dhe brenda pak minuta arritën 175 mijë raportime. Pas afro 90 minutash problemi duket se ishte zgjidhur.
Meta konfirmoi problemet duke thënë se kishte qenë një gabim teknik që nuk kishte lejuar përdoruesit të qasen në Instagram.
Shërbimet e tjera të kompanisë mëmë Meta, si Facebook, WhatsApp apo Horizon Worlds nuk raportuan asnjë problem. Në 2021 kompania pati një black-out të vërtetë kur një problem në një prej qendrave të të dhënave nxori shërbimet jashtë funksioni për orë të tëra.
Faqja e ndihmës e Instagram dhe llogaritë e saj në Facebook dhe Twitter nuk kanë postuar asgjë në lidhje me këtë ndërprerje shërbimi.
Copyright: © PCWorld Albania
