10 muaj më parë

Surface Laptop Studio 2 sjell më shumë porta dhe procesorë të gjeneratës së fundit

Surface Studio 2 fillon nga 1999 dollarë, fuqizohet nga procesorët e gjeneratës së 13-të Intel dhe të klasit H të performancës së lartë të cilët shoqërohen nga kartat grafike RTX 4050 dhe RTX 4060.

Microsoft tregoi laptopin e konvertueshëm të segmentit të lartë Surface Laptop Studio 2 në evenimentin që u mbajt ditën e sotme në Nju Jork për pajisjet Surface.

Surface Laptop Studio ruan estetikën e paraardhësit, përfshirë ekranin 14.4-inç i cili e bën pajisje akoma më miqësore ndaj prekjes duke shtuar në të njëjtën kohë disa veçori për përdoruesit intensivë të kompjuterëve.

Studio përfshin një NPU(Neural Processing Unit) të Intel që në të vërtetë është e para e kompanisë vendosur në një kompjuter Windows. Blerësit mund ta konfigurojnë laptopin me deri në 2TB hapësirë dhe 64GB RAM.

Me fjalë të tjera Microsoft thotë se është laptopi Surface më i fuqishëm që ka ndërtuar ndonjëherë duke premtuar dyfishin e performancës së paraardhësit.

Studio 2 vjen me disa opsione të mëdha kontektiviteti: ka dy porta USB-C, një portë USB-A, një lexues kartash microSD dhe Surface Slim Pen 2. Më tutje, laptopi ka një touchpad të ri që mund të përshtatet në funksionalitet sipas nevojave dhe Microsoft e quan “touchpadi më gjithëpërfshirës në një laptop.”

Gjatë këtij evenimenti Microsoft prezantoi edhe laptopin tjetër buxhetor Surface Go 3 ndërsa tema kryesore e ngjarjes ishin funksionalitetet AI të cilat vinë në formën e asistentit të dedikuar Copilot të Microsoft. Një lëvizje e tillë hedh hije dyshimi mbi të ardhmen e harduerit të Microsoft ndërsa largimi i Panos Panay vetëm se i hedh benzinë zjarrit.

Laptopi më i mirë i Microsoft la për të dëshiruar me gjeneratën e parë Laptop Studio në disa aspekte si: mungesa e një larmie portash, performanca nuk përputhet me çmimin e kërkuar nga Microsoft dhe jetëgjatësia e baterisë duket larg pritshmërive. Siç duket Microsoft ju është përgjigjur këtyre deficiteve me Laptop Studio 2.

Copyright: © PCWorld Albania